Բեքհեմի հաջողությունները որդուն հասցրել են հոգեկան խանգարման
ԱյլԱնգլիայի նախկին ավագ Դեյվիդ Բեքհեմի և դիզայներ Վիկտորյա Բեքհեմի ավագ որդին՝ Բրուքլին Բեքհեմ-Պելցը, խոստովանել է, որ իր հայտնի հոր հաջողությունը կրկնելու փորձերը նրան հասցրել են հոգեկան խանգարման։ Այս մասին նա խոսել է Bustle-ին տված հարցազրույցում։
23-ամյա Բեքհեմը լրագրողների հետ զրույցում նշել է, որ երկար ժամանակ փորձում էր գտնել իր տեղը կյանքում։ Նա փորձել է իրեն որպես մոդել, լուսանկարիչ և նույնիսկ փորձել է գնալ հոր հետքերով։ Դեռահաս տարիքում նա նաև կարճ ժամանակով ֆուտբոլ է խաղացել «Արսենալ» ակումբի ակադեմիայում՝ որպես կիսապաշտպան, սակայն արագորեն հրաժարվել է սպորտային կարիերան շարունակելու մտքից:
Բեքհեմի խոսքով՝ իրեն վստահված բարձր պատասխանատվության պատճառով ինքը սկսել է տառապել բարձր անհանգստությամբ։ «Ես անընդհատ շատ էի անհանգստանում։ Եվ փորձում էի համապատասխանել այն ամենին, ինչին հասել էր հայրս ֆուտբոլում, բայց թվում էր, թե ուզում եմ անուն ձեռք բերել նրա հաջողություններով... Կենդանակերպի նշանով Ձկներ եմ, ես զգայուն եմ»,- բացատրել է նա:
Երիտասարդն արագ հանգել է այն եզրակացության, որ չի կարող գերազանցել հորը ֆուտբոլային դաշտում և փոխել է իր միտքը պրոֆեսիոնալ մարզիկ լինելու մասին։ Ներկայումս Բեքհեմը զբաղվում է խոհարարությամբ։ Չնայած նա ոչ մի տեղ մասնագիտորեն չի սովորել խոհարարական արվեստում, այնուամենայնիվ, նա թողարկել է իր սեփական շոուն՝ «Cooking with Brooklyn»-ը, որում կփորձի աշխատել հայտնի ռեստորանների խոհանոցներում։