Լուսինե Սեփխանյանը կտեղափոխվի Լոռու մարզի դատարան. ԲԴԽ-ն ՀՀ նախագահին առաջարկել է նրա թեկնածությունը

Սյունիքի մարզի ընդհանուր իրավասության դատարանի դատավոր Լուսինե Սեփխանյանը կտեղափոխվի Լոռու մարզի ընդհանուր իրավասության դատարան։ ԲԴԽ-ն նոյեմբերի 14-ին որոշում է կայացրել՝ Լուսինե Հրանտի Սեփխանյանի թեկնածությունը Լոռու մարզի առաջին ատյանի ընդհանուր իրավասության դատարանի դատավորի թափուր պաշտոնում նշանակելու համար Հանրապետության նախագահին առաջարկելու մասին։

«2022 թվականի նոյեմբերի 14-ին, դռնփակ նիստում, քննարկելով Լոռու մարզի առաջին ատյանի ընդհանուր իրավասության դատարանի դատավորի թափուր պաշտոնում առաջին ատյանի այլ դատարանի դատավորին նշանակելու վերաբերյալ հարցը և ղեկավարվելով Հայաստանի Հանրապետության Սահմանադրության 175-րդ հոդվածի 1-ին մասի 2-րդ կետով, «Հայաստանի Հանրապետության դատական օրենսգիրք» սահմանադրական օրենքի 119-րդ և 117-րդ հոդվածներով, 89-րդ հոդվածի 1-ին մասի 9-րդ կետով և 94-րդ հոդվածի 1-ին և 5-րդ մասերով` Բարձրագույն դատական խորհուրդը