Ռոբի Ուիլյամսի կինը բողոքել է ամուսնու հետ սեքսի բացակայությունից

43-ամյա Այդա Ֆիլդն ակնհայտորեն այն հայտնի կանանցից չէ, ում հաջողվում է խոսել գիտակցված մայրության մասին և պարծենալ թեժ գիշերներով։  Ռոբի Ուիլյամսի կինն ասել է, որ իրենց հարաբերություններում սիրավեպը վաղուց մեռել է, և ամեն ինչում մեղավոր են զույգի չորս երեխաները: Դաժան է, բայց ազնիվ:

«Ինչ-որ ռոմանտիկա է կորել: Այն վերացրել են մեր երեխաները։ Եվ դրա հետ միասին մահացավ մեր սեռական կյանքը: Մենք դեռ սիրում ենք միմյանց, բայց այնքան մոտ չենք իրար, որքան նախկինում», - խոստովանում է Ֆիլդը:

Սեքսի բացակայության պատճառով նա իրեն և Ռոբիին համեմատել է սենյակակիցների հետ. ասում է՝ գիշերը միասին են անցկացնում, բայց մտերմություն չկա ւրենց միջև։ Նրա խոսքով, եթե իրենք գնում են տարբեր սենյակներ, որպեսզի ավելի լավ քնեն, ապա ժամանակի ընթացքում նմանվում են եղբոր ու քրոջ:

Իսկ իրավիճակը մոտ ապագայում ակնհայտորեն չի բարելավվելու՝ Ռոբիի ծրագրերը ոչ թե ընտանեկան թերապևտի մոտ գնալն են, այլ աշխարհի առաջնության ժամանակ Քաթարում շրջագայելը։