Հրադադարի ռեժիմի խախտում է արձանագրվել Լեռնային Ղարաբաղի Մարտունու շրջանում. ՌԴ ՊՆ

Արձանագրվել է հրադադարի պահպանման ռեժիմի մեկ խախտում: Մարտունու շրջանի Ավդուռ գյուղի մերձակայքում ադրբեջանական զինուժի դիտակետից հրաձգային զինատեսակներից կրակ է բացվել գյուղատնտեսական աշխատանքներ կատարող տրակտորի վրա։ Այս մասին ասված է ՌԴ ՊՆ հայտարարության մեջ:

«Գնդակոծության հետևանքով զոհեր և վիրավորներ չկան։ Ռուսական խաղաղապահ զորախմբի հրամանատարությունը, համագործակցելով ադրբեջանական և հայկական կողմերի ներկայացուցիչների հետ, հետաքննում է այս միջադեպը»,- ասված է հաղորդագրության մեջ: