Ալիևը մեղադրանքներ է հնչեցրել Հայաստանի ու Ֆրանսիայի հասցեին և պարծեցել իր «ընկերներով»
Արտաքին Քաղաքական«Վերջերս Ադրբեջանի դեմ կեղտոտ սադրանք էր ծրագրվում Ֆրանկոֆոնիայի կազմակերպության շրջանակներում, որի անդամը մենք մինչև հիմա չենք հանդիսանում, բայց չգիտես ինչու՝ Հայաստանն անդամ է։ Այս սադրանքի հեղինակը Ֆրանսիան էր։ Ինչպես գիտեք, այժմ Ֆրանսիան հովանավորում է Հայաստանին։
«Ֆրանսիան և Հայաստանը միմյանց քույրեր են անվանում, սա հատուկ ընդծել են մեր ընկերները։ Նրանք կարող էին միմյանց եղբայր անվանել, բայց ինչ-ինչ պատճառներով միմյանց քույրեր են անվանում»,- ասել է Ալիևը և ծիծաղել:
«Այնտեղ պատրաստված բանաձեւի նախնական տարբերակը հիմնված էր զուտ հակաադրբեջանական թեզերի վրա եւ լիովին հակասում էր իրականությանը։ Բոլոր հակաադրբեջանական թեզերը հանվեցին Ֆրանկոֆոնիայի կազմակերպության մեր ընկերների ջանքերի շնորհիվ՝ մենք նրանց լավ գիտենք, և նրանք մեր ընկերներն են՝ բառիս բուն իմաստով։ Ֆրանկո-հայկական տանդեմը չկարողացավ օգտվել այս հնարավորությունից»,- ասել է Ադրբեջանի նախագահ Իլհամ Ալիևը իշխող «Նոր Ադրբեջան» կուսակցության հիմնադրման 30-ամյակին նվիրված հանդիսավոր միջոցառմանը։
Ադրբեջանի նախագահի խոսքով՝ «Ադրբեջանի այս հաջողությունը ակնհայտորեն ցույց է տալիս Ադրբեջանի բարձր վարկանիշը միջազգային կազմակերպություններում»,- հավելել է նա։