Արմեն Սարգսյանը շնորհավորական ուղերձ է հղել Կասիմ-Ժոմարտ Տոկաևին
Արտաքին Քաղաքական
Հայաստանի չորրորդ նախագահ Արմեն Սարգսյանը շնորհավորական ուղերձ է հղել Կասիմ-Ժոմարտ Տոկաևին։ Ուղերձում մասնավորապես ասվում է․
«Մեծարգո Կասիմ-Ժոմարտ Կեմելովիչ,
Ընդունեք ջերմ շնորհավորանքներս նախագահական ընտրություններում հաղթելու և Ղազախստանի նախագահի պաշտոնում վերընտրվելու առթիվ։
Ղազախստանը տարածաշրջանային առանցքային դերակատարներից մեկն է, որի դիրքորոշումները կարևոր նշանակություն ունեն ներկայիս աշխարհաքաղաքական զգայուն ժամանակներում։
Այս պարագայում չափազանց բարդ առաքելություն է բաժին ընկնում այն ղեկավարին, ով առաջիկա տարիներին առաջնորդելու է Ղազախստանը։ Քաջ ճանաչելով Ձեզ, մեր բազմաթիվ հանդիպումների ու քննարկումների շնորհիվ տեղյակ լինելով հմուտ և շրջահայաց առաջնորդի Ձեր որակներին՝ ցանկանում եմ վստահություն հայտնել Ձեր ղեկավարած Ղազախստանի ապագայի հանդեպ։ Անհրաժեշտ այն ճկունությունը և լայնախոհությունը, որի կարիքը կա ներկա ճգնաժամերին ճիշտ կողմնորոշվելու համար, Դուք արդեն իսկ դրսևորել եք Ձեր նախորդ և ներկայիս գործունեության ընթացքում։
Համոզված եմ, որ դա կշարունակվի նաև ապագայում։
Մաղթում եմ Ձեզ առողջություն և հաստատակամություն, իսկ Ղազախստանի ժողովրդին՝ խաղաղություն և բարեկեցություն»։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
