Ամուսինը որոշել է բաժանվել կնոջից, քանի որ նա «միայն աղջիկներ է լույս աշխարհ բերում»

Չինաստանում տղամարդը որոշել է բաժանվել հղի 25-ամյա կնոջից, քանի որ նա միայն աղջիկներ է ծնում։ Այս մասին հայտնում է South China Morning Post-ը։

Հու ազգանունով 25-ամյա կինը պատմել է, որ ամուսնացել է 15 տարեկանը լրանալուն պես։ Իրենց ամուսնության ընթացքում նա չորս դուստր է լույս աշխարհ բերել։ Զույգի առաջին դուստրը ծնվել է, երբ կինը 17 տարեկան էր։ Զույգը գրանցված է Գույչժոու նահանգի գյուղական շրջաններում, սակայն աշխատանք փնտրելու նպատակով տեղափոխվել է Չժեցզյան նահանգի Լինհայ քաղաքային  շրջան։

Հղիության ութերորդ ամսվա մեջ գտնվող կնոջ խոսքով՝ ամուսինը երեք ամիս առաջ ենթադրել է, որ նորից աղջիկ կծնվի։ Դրանից հետո նա դուրս է եկել բնակարանից, հրաժարվել է վարձավճարից և իրեն ասում է, որ պետք է որքան հնարավոր է շուտ ամուսնալուծվել։

«Ամուսինս ասաց, որ ուզում է բաժանվել ինձնից, քանի որ, դատելով իմ ստամոքսի ձևից, ես նորից դուստր կունենամ։ Ասում է, որ վախենում է դրանից, քանի որ ինքը բազմազավակ ընտանիքի միակ որդին է եղել։ Նա ասել է, որ եթե ես իր համար տղա չծնեմ, նա ուրիշ կին կգտնի»,- բացատրել է չինուհին։

Հուն պատրաստակամորեն համաձայնել է ամուսնալուծությանը: «Ամուսնալուծությունը դրական և բացասական կողմեր ​​ունի: Ես և իմ դուստրերը ստիպված չենք լինի դիմանալ նրա կողմից բռնություններին, եթե ամուսնալուծվենք», - ասել է Հուն: Նա նշել է, որ ամուսինը հաճախ է ծեծել իրեն և դավաճանել, երբ ինքը հղի է եղել իր երկրորդ դստերով։

Զույգը որոշել է, որ ամուսնալուծությունից հետո բոլոր երեխաները կմնան Հուի հետ: Ամուսինը երեխաներին պահելու համար ամսական հազար յուան կվճարի։ «Գոնե նա դեռ խելքը չի կորցրել։ Ես սպասում էի, որ նա ոչ մի լումա չի տա իր դուստրերի համար»,- ասել է Հուն։

Նա շեշտել է, որ աղջիկների կրթության ծախսերը հոգալու համար պետք է շատ աշխատի և համեստ ապրի։ Զույգը ծրագրում է տարեվերջին վերադառնալ տուն՝ Գույչժոու՝ պաշտոնապես ամուսնալուծվելու համար: Չինաստանում դա կարելի է անել միայն գրանցման վայրում։

Կնոջ պատմությունը վիրուսային է դարձել չինական սոցիալական ցանցերում և վեճերի տեղիք տվել: «Ես չեմ հասկանում, թե ինչու է այս կինը ցանկացել երեխաներ ունենալ նման տղամարդուց», - գրել է նրանցից մեկը: «Երեխայի սեռը որոշում է հայրը։ Ինչու՞ է նա մեղադրում կնոջը», — ասել է մեկնաբանության մեկ այլ հեղինակ։

Այս թեմայով Ծնվել Էվելինա Շահիրյանի և Հովհաննես Ղազարյանի առաջնեկը Տղամարդը փորձել է Կիրանցի երեխաներին առևանգել․ «Հրապարակ» Լույս աշխարհ են եկել 44-օրյա պատերազմում զոհված Վարուժան Սաղումյանի երկվորյակ քույրերը Սյունիքում ծնվել է 93 երեխա՝ 47 տղա, 46 աղջիկ Կոմայի մեջ գտնվող երեխայի դեպքի առթիվ քրեական վարույթ է նախաձեռնվել