Սերբիայի նախագահը հայտարարել է, որ Կոսովոյում իրավիճակը «բախումների եզրին է»
Աշխարհ
Բրյուսելում բանակցությունների ձախողումից հետո Կոսովոյում և Մետոխիայում իրավիճակը ծանր է՝ բախումների եզրին, ժողովրդին ուղղված ուղերձում ասել է Սերբիայի նախագահ Ալեքսանդր Վուչիչը։
«Իրավիճակը Կոսովոյում ծանր է, բառացիորեն բախումների շեմին: Ես խնդրում եմ արևմտյան հանրությանը օգտագործել իրենց ազդեցությունը և փորձել ազդել Պրիշտինայի վրա և օգնել մեզ պահպանել խաղաղությունը»,- ասել է Վուչիչը, հաղորդում է ՏԱՍՍ-ը:
Բացի այդ, նա հայտարարել է, որ ինքնահռչակ հանրապետության իշխանությունները ՆԳՆ հատուկ ջոկատայիններ են ուղարկել սերբերով բնակեցված շրջանի հյուսիս։ Եվրահանձնաժողովի խոսնակ Պիտեր Ստանոն այսօր ավելի վաղ ասել էր, որ Սերբիան և Կոսովոն Բրյուսելում կայացած բանակցությունների ընթացքում չեն կարողացել համաձայնության գալ դեէսկալացիայի շուրջ։
Ավելի վաղ հայտնել էինք, որ Սերբիայի նախագահ Ալեքսանդր Վուչիչը գովաբանել էր Ադրբեջանի նախագահ Իլհամ Ալիևին:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
