Գինեկոլոգը նշել է մրսածություն ունենալու դեպքում սեքսով զբաղվելու վտանգները
ԱյլՄանկաբարձ-գինեկոլոգ Մարիա Ֆիլատովան նշել է վտանգները, որոնք սպասում են մրսածություն ունենալու դեպքում սեքսով զբաղվելիս։ Այս մասին հայտնում է «Lenta.ru»-ն։
Մասնագետը նշել է, որ սուր շնչառական վիրուսային վարակի ժամանակ ավելի լավ է զերծ մնալ ֆիզիկական ակտիվությունից, այդ թվում՝ սեքսից։ Բանն այն է, որ ակտիվությունը նպաստում է արյան անոթների ընդլայնմանը, ինչի արդյունքում վիրուսը կարող է մտնել այլ համակարգեր։ Առավել հաճախ տուժում են շնչառական, սրտանոթային համակարգերը և միզուղիները:
Եթե սեռական հարաբերության ժամանակ հղիանաք, ապա հակավիրուսային դեղամիջոցների ընդունումը կարող է ազդել պտղի զարգացման վրա: Սա եւս մեկ պատճառ է մրսածության ժամանակ սիրով զբաղվելուց հրաժարվելու համար։
Որպես մեկ այլ ոչ ակնհայտ վտանգ, փորձագետը նշել է այն, որ զուգընկերը հեշտությամբ կարող է վարակվել սուր շնչառական վիրուսային վարակով։ Եթե չեք ցանկանում, որ նա նույնպես հիվանդանա, ապա պետք է դադարեցնեք սեռական հարաբերությունները: