Գիտնականները պարզել են, թե որ մարդիկ հաճույք չեն ստանում «մեկանգամյա» սեքսից

Արիզոնայի համալսարանի գիտնականները պարզել են, որ կապվածությունից խուսափող մարդիկ ավելի հաճախ են օգտագործում ծանոթության համար նախատեսված հավելվածներ և բացասաբար են գնահատում «մեկանգամյա» սեքսը, սեռական հարաբերությունից հետո հայտնում են իրենց դժգոհության և մեղքի զգացման մասին:

Աշխատանքը հրապարակվել է The International Journal of Sexual Health ամսագրում:

Կապվածության տեսակը զուգընկերոջ հետ հարաբերություններ ձևավորելու միջոց է: Ընդունված է տարբերակել չորս հիմնական մոդելներ՝ հուսալի, անհանգիստ, խուսափող և անհանգիստ-խուսափող։ Ապահովված տեսակի կապվածություն ունեցող մարդը չի վախենում մտերմությունից, կախված չէ ուրիշից և գիտի, թե ինչպես սեր ստանալ և տալ: Երկրորդ տեսակին բնորոշ է լքված լինելու խորը վախը, երրորդին` զգացմունքային մտերմության վախը: Չորրորդ տեսակը միավորում է վերը նշված վախերը։

Հետազոտողները 247 կամավորների շրջանում անցկացրել են հարցում, որը ներառել է հարցեր կապվածության տեսակի, սեռական փորձի նկատմամբ բաց լինելու, ծանոթությունների համար նախատեսված հավելվածների օգտագործման փորձի և սեքսից հետո զգացմունքների մասին: Պարզվել է, որ խուսափող տեսակի կապվածությունով մասնակիցները բացասաբար են գնահատել սեքսը ինչպես համացանցի միջոցով ծանոթացած զուգընկերների հետ, այնպես էլ նրանց հետ, ում հետ ծանոթացել են իրական կյանքում: Այս տեսակի մարդիկ բացասական են գնահատում նաև սեռական շփումները, բայց միայն նրանց հետ, ում նրանք հանդիպել են համացանցից դուրս: Գիտնականների խոսքով՝ հետազոտությունը լույս է սփռում այն ​​բանի վրա, թե ինչպես են տարբեր տեսակի կապվածություն ունեցող մարդիկ ընկալում առցանց և ավանդական ժամադրությունները: