Կլիչկոն հնարավոր է համարել ձմռանը բնակիչների տարհանումը Կիևից

Կիևի քաղաքապետ Վիտալի Կլիչկոն հայտարարել է, որ այս ձմռանը հնարավոր է բնակչության որոշ խմբեր տարհանվեն քաղաքից։ Այս մասին հայտնում է «Страна.ua» հրատարակությունը։

Նրա խոսքով, նրանց կարելի է տանել մայրաքաղաքի արվարձաններ, սակայն լայնամասշտաբ տարհանման մասին խոսք չկա։ Կլիչկոն նշել է, որ դա կարող է վերաբերվել նաև մանկատներին և ծերանոցներին։

«Դա տարհանում անվանել չի կարելի, բայց մենք դիտարկում ենք բնակչության որոշ խմբերի ժամանակավոր տեղափոխությունը։ Բայց հիմա այդ մասին խոսք չկա։ Բայց պետք է ունենանք գործողությունների տարբեր սցենարներ»,- ասել է նա:

Ավելի վաղ հաղորդվել էր, որ Օդեսայի շրջանն ամբողջությամբ մնացել է առանց էլեկտրամատակարարման, մասամբ առանց էլեկտրաէներգիայի են մնացել Խմելնիցկին, Խարկովը, Կիևը, Լվովը, Նիկոլաևը և Զապորոժիեն, որոնք վերահսկվում են Ուկրաինայի կողմից։

«Страна.ua»-ն հայտնել է Կիեւում տեղի ունեցած պայթյունների մասին։ Կիևի քաղաքապետ Վիտալի Կլիչկոն հաստատել է հարվածի մասին տեղեկությունը և քաղաքացիներին հորդորել անհապաղ գնալ ապաստարաններ։