Չի բացառվում. Կիևի քաղաքապետ Կլիչկոն՝ բնակչությանը մայրաքաղաքից տարհանելու մասին
Աշխարհ
Կիևի քաղաքապետ Վիտալի Կլիչկոն ասել է, որ բնակիչները պետք է պատրաստ լինեն ցանկացած իրավիճակի, այդ թվում՝ մասնակի տարհանմանը արվարձաններ, գրում է Gazeta-ն։
Կլիչկոն դիմել է քաղաքաբնակներին՝ խնդրելով համալրել տեխնիկական, խմելու ջրի, սննդի պաշարները, որոնք կարելի է օգտագործել կամ պատրաստել առանց էլեկտրականության, ինչպես նաև տաք հագուստ, լիցքավորված նոթբուքեր և սնուցիչներ ունենալ:
Քաղաքական գործիչը հավելել է, որ վատ սցենարի դեպքում լավ կլինի, որ յուրաքանչյուր կիևցի հնարավորություն ունենա գնալու այնտեղ, որտեղ ջուր և վառարան կա, կամ «այցելել ընկերներին»։
Նոյեմբերի 26-ին Կլիչկոն հայտնել էր, որ Կիևի բնակիչների 25%-ը էլեկտրականություն չունի։
Հոկտեմբերի 10-ից Ռուսաստանի Դաշնության Զինված ուժերը հարվածներ են հասցնում Ուկրաինայի ռազմական և էներգետիկ օբյեկտներին։ Սա, ՌԴ նախագահ Վլադիմիր Պուտինի խոսքով, պատասխան է, մասնավորապես, Ղրիմի կամրջի վրա տեղի ունեցած պայթյունին։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
