Մեքսիկայում պոչով երեխա է ծնվել (լուսանկար)

Մեքսիկայի հյուսիս-արևելքում գտնվող գյուղական հիվանդանոցներից մեկում արտասովոր երեխա է ծնվել: Ավելին՝ մոր հղիությունն անցել է առանց բարդությունների։ Բժիշկներն առաջին զննման ժամանակ նկատել են պոչ՝ երեխայի հետույքին մոտ 5,7 սանտիմետր չափի փոքրիկ ելուստ է եղել՝ ծածկված մազերով։ Երկու ամիս անց այն մեծացել է 0,8 սանտիմետրով, եւ բժիշկները եզրակացրել են, որ այն պետք է հեռացնել, գրում է super.ru-ն։

Ռենտգենը ցույց է տվել, որ պոչում ոսկրային հյուսվածք և անոմալ ուռուցքներ չկան, ուստի աղջկա կյանքին վտանգ չի սպառնում։ «Պոչի կառուցվածքը փափուկ էր, այն ծածկված էր մաշկով և բարակ մազերով, այն կարելի էր շարժել առանց ցավի, բայց ինքնաբուխ շարժումներ չկային», - ասվում է Journal of Pediatric Surgery-ի հրապարակման մեջ: Ճիշտ է, երբ պոչը ծակեցին ասեղով, երեխան սկսեց լաց լինել։

Մասնագետների կարծիքով՝ պտղի բնականոն զարգացման հետ մեկտեղ նման գործընթացը վերածվում է պոչուկի, սակայն երբեմն դառնում է իսկական պոչ։ Աշխարհում կա ընդամենը 40 նման դեպք, տղաներն այս պաթոլոգիայով ավելի հաճախ են ծնվում, քան աղջիկները։ Ուստի փոքրիկ մեքսիկուհին, անկասկած, կկարողանա իրեն եզակի անվանել։

Այս թեմայով Ծնվել Էվելինա Շահիրյանի և Հովհաննես Ղազարյանի առաջնեկը Տղամարդը փորձել է Կիրանցի երեխաներին առևանգել․ «Հրապարակ» Լույս աշխարհ են եկել 44-օրյա պատերազմում զոհված Վարուժան Սաղումյանի երկվորյակ քույրերը Սյունիքում ծնվել է 93 երեխա՝ 47 տղա, 46 աղջիկ Կոմայի մեջ գտնվող երեխայի դեպքի առթիվ քրեական վարույթ է նախաձեռնվել