Սեքսապաթոլոգը նշել է, թե ինչ պետք է պարտադիր անել սեքսից հետո

Սեքսից առաջ և հետո անպայման պետք է միզել, և դա պետք է անել ժամանակին, ասել է սեքսապաթոլոգ Շանթել Օթենը։ Նա այս գործողությունը կարևոր է անվանել Metro-ին տված մեկնաբանությունում:

Ըստ Օթենի՝ շատ մարդիկ կարող են խուսափել առողջական խնդիրներից, եթե սեքսից հետո միզեն: Բանն այն է, որ ինտիմ հարաբերություններից անմիջապես հետո զուգարան գնալով՝ մարդը նվազեցնում է միզուղիների վարակի առաջացման վտանգը։ Իսկ կանանց համար այս գործողությունը շատ ավելի կարևոր է, քան տղամարդկանց համար, պարզաբանել է նա։

Կանանց համար կարևոր է զուգարան գնալ սեքսից անմիջապես առաջ և դրանից անմիջապես հետո, և դա պետք է առաջնահերթություն լինի ինտիմ հարաբերություններում, իսկ անկողնում բոլոր խոսակցությունները կարելի է թողնել ավելի ուշ, պնդում է սեքսապաթոլոգը։ Զուգարան գնալով անցանկալի բակտերիաները դուրս են գալիս միզածորանից, բացատրել է նա: «Տղամարդկանց համար դա տարբեր է», - հավելել է Շանթելը: - Սեքսից հետո նրանք կարող են սպասել մինչև 15 րոպե միզելու համար: Ինչո՞ւ։ Տղամարդկանց միզածորանն ավելի երկար է, քան կանանցը, այսինքն՝ բակտերիաների միզապարկ հասնելու համար ավելի երկար ժամանակ է պահանջվում»:

Մարդկանց 29 տոկոսը սեքսից հետո ունենում է միզուղիների վարակ

Զուգարան գնալը կօգնի խուսափել այնպիսի տհաճ ախտանիշներից, ինչպիսիք են միզուկի շրջանում զգայունությունը, միզապարկի ցավը, ջերմությունը, ընդհանուր վատթարացումը, հաճախամիզությունը, տհաճ հոտը կամ մեզի մեջ արյունը, մեջքի ցավը և զուգարան գնալու անկարողությունը, պարզաբանել է սեքսապաթոլոգը։ .