Ոչնչից չեմ վախենում. Ֆիլիպ Կիրկորով
ԼուսանկարներՖիլիպ Կիրկորովը հինգերորդ ալիքին տված հարցազրույցում ասել է, որ ոչնչից չի վախենում, մասնավորապես՝ շոու բիզնեսի ապագայից։
«Աշխարհը բաժանված է առաջի և հետոյի։ Աշխարհն այլևս նույնը չի լինի։ Իսկ թե նոր աշխարհն ինչպիսին է լինելու, միայն Ամենակարողը գիտի։ Ես պատրաստ եմ ամեն ինչի, 35 տարի է՝ շոու բիզնեսում եմ»,- ասել է արտիստը։ Կիրկորովի խոսքով՝ կյանքի փորձությունները նրա բնավորությունն ուժեղ են դարձրել։
Կատարողը նշել է նաև, որ հետևելով հոր՝ Բեդրոս Ֆիլիպովիչի օրինակին, ցանկանում է մինչև կյանքի վերջ ակտիվորեն զբաղվել ստեղծագործական կարիերայով։ «Բեդրոսը 90 տարեկան է։ Մինչև նրա տարիքը՝ ես դեռ 35 տարի ունեմ։ Եթե հասնեմ նրա տարիքին, երջանիկ մարդ կլինեմ»,- ասել է Կիրկորովը: