Եվրահանձնաժողովը հայտնել է ռուս-ուկրաինական պատերազմում զինվորական և քաղաքացիական զոհերի թիվը

Ուկրաինա «ռուսական ներխուժման» սկզբից ի վեր ավելի քան 20 հազար խաղաղ բնակիչ և Ուկրաինայի զինված ուժերի ավելի քան 100 հազար զինվորական է մահացել։ Այսպիսի գնահատական ​​է տվել Եվրահանձնաժողովի ղեկավար Ուրսուլա ֆոն դեր Լյայենը։

Նա առաջարկել է ստեղծել հատուկ դատարան՝ ՄԱԿ-ի աջակցությամբ՝ Ուկրաինայում «ռուսական ռազմական հանցագործությունները» հետաքննելու համար։

Եվրահանձնաժողովի ղեկավարն ասել է, որ Ռուսաստանը պետք է փոխհատուցի նաև Ուկրաինային հասցված ֆինանսական վնասը, որը, նրա գնահատականներով, արդեն գերազանցել է 600 միլիարդ եվրոն։ Այդ նպատակով՝ Եվրամիությունն արդեն սառեցրել է Ռուսաստանի Դաշնության Կենտրոնական բանկի 300 միլիարդ եվրոն և ռուս օլիգարխներին պատկանող 19 միլիարդ եվրոն։

Անցած գիշեր Ուկրաինայի նախագահ Վլադիմիր Զելենսկին պատերազմի 279-րդ օրվա արդյունքներին հաջորդած ուղերձում մեջբերել է Ռուսաստանի ռազմական կորուստների վերաբերյալ իր գնահատականը։

«Նրանք իրենց կանոնավոր բանակը տեղակայել են Դոնբասում, այնտեղ ամեն օր կորցնում են հարյուրավոր մոբիլիզացված ու վարձկան զինվորների, այնտեղ ջոկատներ են օգտագործում։ Այս տարի Ռուսաստանը կկորցնի 100 հազար զինվոր և միայն Աստված գիտի, թե քանի վարձկան։ Իսկ Ուկրաինան կանգուն կլինի»,- ասել է Զելենսկին։