Չինաստանում արգելվել է սպիտակ թղթի վաճառքը՝ բողոքի ակցիաների ժամանակ դրանց օգտագործման պատճառով

M&G Stationery գրենական պիտույքների ընկերությունը, որն ունի ավելի քան 80,000 վաճառակետ ամբողջ Չինաստանում, որոշել է նոյեմբերի 29-ից արգելել A4 սպիտակ թղթի վաճառքը ինչպես առցանց, այնպես էլ օֆլայն: Որոշումը պայմանավորված է նրանով, որ որոշ ցուցարարներ թղթի վրա հակակառավարական կարգախոսներ են գրել, գրում է CNN-ը։

Այն, որ ընկերությունը թուղթ չի վաճառելու, ասվել է չինական սոցիալական ցանցերում տարածված ներքին նամակներից մեկում։ Նշվում է, որ արգելքը գործում է «ազգային անվտանգությունն ու կայունությունը պահպանելու համար» և «խանգարելու հանցագործներին կուտակել մեծ քանակությամբ A4 սպիտակ թուղթ և օգտագործել այն անօրինական դիվերսիայի համար»: Հանրահավաքները դատապարտել են նաև M&G Stationery-ի ներկայացուցիչները։

Դրանից անմիջապես հետո ընկերության բաժնետոմսերն ընկել են 3 տոկոսով։ M&G Stationery-ը հիմնված է Շանհայում և իր արտադրանքը վաճառում է աշխարհի ավելի քան 50 երկրներում և տարածաշրջաններում: 

Հիշեցնենք, որ ցուցարարները պահանջում են թուլացնել կորոնավիրուսային սահմանափակումները, իսկ ոմանք նաև առաջ են քաշել Չինաստանի նախագահ Սի Ծինփինի հրաժարականը։ Իշխանությունները ցրում են հանրահավաքները։

Այս թեմայով ՀՀ-ի և ՉԺՀ-ի միջև ձևավորված հարաբերություններն առանձնանում են համագործակցության բարձր մակարդակով Պատրաստ եմ ջանք գործադրել ՀՀ-Չինաստան հարաբերություններն առավել զարգացնելու համար․ Փաշինյան Էլինա Ավանեսյանը պարտվեց, Կարեն Խաչանովը դուրս եկավ 1/4 եզրափակիչ Պատրաստ ենք նպաստել Հայաստանի հետ հարաբերությունների զարգացմանն ավելի բարձր մակարդակով․ Չեն Մին Սուրեն Պապիկյանը մեկնել է Չինաստան