Արևմուտքում պառակտման հավանականություն կա. Մակրոն

Ֆրանսիայի նախագահ Էմանուել Մակրոնը, ելույթ ունենալով ԱՄՆ-ում հանրապետության դեսպանատանը, ասել է, որ գնաճի և կլիմայի վերաբերյալ ամերիկյան նոր օրենքը (The Inflation Reduction Act, IRA), որը նախատեսում է սուբսիդիաներ ամերիկյան ընկերություններին, բացասաբար կանդրադառնա արևմտյան երկրների հարաբերությունների վրա, գրում է Financial Times-ը։

«Վերջին մի քանի ամիսների միջոցառումները, մասնավորապես՝ IRA-ն, միջոցներ են, որոնք կպառակտեն Արևմուտքը», - ասել է նա՝ հավելելով, որ Ֆրանսիան պետք է համակարգի և վերասինխրոնիզացնի քաղաքական օրակարգերը։

Ավելի ուշ, ելույթ ունենալով Կոնգրեսի գրադարանում, Մակրոնն այս օրենքը անվանել է «գերագրեսիվ» ֆրանսիական բիզնեսի նկատմամբ՝ բացատրելով, որ նախաձեռնությունը «կսպանի շատ աշխատատեղեր»։ Մակրոնն ընդգծել է, որ միգուցե նահանգները կլուծեն իրենց խնդիրը, «բայց նրանք կսրեն իրենը»։