Ինքնասպանություն է գործել «Քայլ առաջ»-ի դերասան Սթիվեն Բոսը

Ամերիկացի դերասան, դիջեյ, պարող, պրոդյուսեր և «Step Up» ֆիլմի դերակատար Սթիվեն Բոսն ինքնասպան է եղել 41 տարեկանում։ Այս մասին հայտնում է CNN-ը։

Նրա կնոջ խոսքով՝ դեկտեմբերի 13-ին նրան մահացած են գտել Լոս Անջելեսի հյուրանոցներից մեկում։ «Ցավով պետք է հայտնեմ, որ ամուսինս՝ Սթիվենը, լքել է մեզ։ Նա լույս էր բերում ամեն սենյակ, որ մտնում էր։ Նա ամեն ինչից վեր էր գնահատում ընտանիքը, ընկերներն ու համայնքը, և մարդկանց դեպի իր սերն ու լույսը տանելը նրա համար ամեն ինչ էր»,- ասում է նրա այրին:

Զույգը միասին է եղել ինը տարի, նրանք ունեն երեք երեխա։

Սթիվեն Բոսը նկարահանվել է նաև Magic Mike XXL և Modern Family ֆիլմերում, The Wade Robson Project-ում, եղել է դիջեյ The Ellen DeGeneres Show-ում, իսկ 2020 թվականին դարձել է The Ellen DeGeneres Show-ի գործադիր պրոդյուսերը: