Հունգարիայի վարչապետը կոչ է արել «ցամաքեցնել կոռուպցիոն ճահիճը» ԵՄ-ում

Հունգարիայի վարչապետ Վիկտոր Օրբանը կոչ է արել «ցամաքեցնել կոռուպցիոն ճահիճը» Եվրամիությունում՝ ակնարկելով, որ Եվրախորհրդարանի փոխնախագահի կալանավորման հետ կապված սկանդալի «թելերը» կարող են տանել մինչև ամենավերև, գրում է ՌԻԱ Նովոստին։

Անցյալ շաբաթ Եվրախորհրդարանի փոխնախագահը կալանավորվել էր Կատարում ֆուտբոլի աշխարհի առաջնության անցկացման հետ կապված կոռուպցիոն սկանդալի պատճառով։ Մասնավորապես, բերման է ենթարկվել Եվրախորհրդարանի փոխնախագահ, հույն քաղաքական գործիչ Եվա Կայլին։ Ավելի ուշ նրան ազատել են աշխատանքից:

«Բոլորը գիտեին, որ Բրյուսելը լի է կոռուպցիոն դեպքերով, բայց այժմ այն ​​հասել է այնպիսի մակարդակի, որ ոստիկանությունը ստիպված է եղել քայլեր ձեռնարկել... Բրյուսելի ճահիճը ցամաքեցնելու ժամանակն է», - ասել է Օրբանը:

Վարչապետի խոսքով՝ տներում խուզարկությունները շարունակվում են, ոստիկանությունը միլիոնավոր եվրոներ է առգրավում։ Օրբանը հավելել է, որ շատերին է հետաքրքրում, թե ուրիշ ինչ քաղաքական գործիչներ են ներգրավված սխեմաներում, կարծիքներ կան, որ «թելերը կարող են տանել ամենաբարձր մակարդակ»։