Կրակոց՝ Երևանի կենտրոնում

Դեկտեմբերի 15-ին ՀՀ ոստիկանության քրեական ոստիկանության գլխավոր վարչությունում օպերատիվ տեղեկություններ ենն ստացվել, որ Սայաթ-Նովա պողոտայի շենքերից մեկի բնակիչը պատուհանից կրակոց է արձակել։

Ինչպես հայտնում է Shamshyan.com-ը, քրեական ոստիկանության գլխավոր վարչության ՄՍԴՈՒ ՀԴՊ վարչության ծառայողները կարճ ժամանակում պարզում են, որ կրակոց արձակողը Սայաթ-Նովա պողոտայի 4-րդ շենքի բնակիչ՝ 19-ամյա Արմեն Գ-ն է։

Վերջինս կարճ ժամանակում հայտնաբերվում է ոստիկանների կողմից և խուլիգանություն կատարելու հիմնավոր կասկածի հիման վրա ձերբակալվում և տեղափոխվում է ոստիկնության կենտրոնական բաժին։

Փաստերի ճնշման տակ նա խոստովանում է, որ դեկտեմբերի 12-ին, գիշերը ժամը 2-ին իրենց բնակարանի պատուհանից «Էկոլ Տունա» տեսակի ատրճանակով մեկ անգամ կրակել է օդ:

Փաստի առթիվ Հայաստանի քննչական կոմիտեի Երևան քաղաքի քննական վարչության Կենտրոն և Նորք Մարաշ վարչական շրջանների առաջին քննչական բաժնում նախաձեռնվել է քրեական վարույթ։

Ձեռնարկվում են միջոցառումներ՝ ատրճանակը հայտնաբերելու ուղղությամբ։

Արմեն Գ-ն ոստիկանությունից ներկայացվել է քննչական բաժին։