Հռոմի Պապը հայտնել է՝ ինչ սուրբծննդյան նվեր կցանկանար ստանալ
Հայկական Մամուլ
Հռոմի պապ Ֆրանցիսկոսը իսպանական ABC թերթին հայտնել է, որ կցանկանար «մի փոքր խաղաղություն» ստանալ՝ որպես Սուրբ Ծննդի նվեր։
Պոնտիֆիկոսի հարցազրույցը հրապարակվել է նրա ծննդյան 86-ամյակի առթիվ՝ դեկտեմբերի 17-ին։
«Մի փոքր խաղաղություն։ Քանի՜ պատերազմ կա աշխարհում։ Մեր աչքի առաջ է Ուկրաինան, բայց եկեք հիշենք Մյանմարը, Եմենը, Սիրիան, որտեղ մարդիկ կռվում են արդեն տասներեք տարի»,- ասել է սրբազանը՝ պատասխանելով Սուրբ Ծննդյան նվերի մասին լրագրողների հարցին։
Նա նաև ասել է, որ իր աշխատանքում ամենադժվարը «փողոցներով քայլելու անկարողությունն է»։ Հոգևորականը նշել է, որ երբ ապրել է Բուենոս Այրեսում, դեռևս Պապ դառնալուց առաջ, իրեն բավականին ազատ է զգացել, օգտվել է հասարակական տրանսպորտից։
Հռոմի պապ Ֆրանցիսկոսը (աշխարհի անունը՝ Խորխե Մարիո Բերգոլիո) ծնվել է 1936 թվականի դեկտեմբերի 17-ին՝ Արգենտինայի Բուենոս Այրես քաղաքում, իտալացի ներգաղթյալների ընտանիքում։ 2013 թվականի մարտի 13-ին կարդինալները նրան ընտրեցին 266-րդ Պապ։ Ֆրանցիսկոսը դարձավ Լատինական Ամերիկայի առաջին պոնտիֆիկոսը և ճիզվիտների կաթոլիկ միաբանության առաջին Պապը:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
