Տեխնոլոգիական բլոգերները հայտնել են՝ ում չպետք է Ամանորին iPhone 14 նվիրել

iPhone 14 սմարթֆոնը 2023 թվականի Ամանորին նվեր գնելու կարիք չկա այն մարդկանց, ովքեր արդեն ունեն այնպիսի մոդելներ, ինչպիսիք են iPhone 12-ը կամ iPhone 13-ը, քանի որ գաջեթների միջև տարբերությունն այնքան էլ էական չէ։ Այս մասին հայտնում են տեխնոլոգիական բլոգերները Executioner պորտալում։

«Եթե դուք պատրաստվում եք անցում կատարել 2017-2019 թվականների հին մոդելներից, թարմացրեք iPhone 14-ով, դժվար թե զղջաք դրա համար: Եվ եթե դուք այժմ կարդում եք այս տեքստը տասներկուերորդ կամ տասներեքերորդ iPhone-ից, ապա վերը ասվածն անտեսեք, քանի որ նկատելի առաջընթաց չեք զգա»,- ասվում է հոդվածում։

Բլոգերները խոստովանել են, որ iPhone 14-ն իսկապես միջանկյալ գաջեթ է, որը շատ չի տարբերվում 2021 թվականին թողարկված iPhone 13-ից, սակայն սմարթֆոնը բավական լավն է շարժական սարքերի նախորդ սերունդներից անցում կատարելու համար:

«Այն ունի ամենահզոր A15 Bionic չիպը, OLED էկրանը, բարձրակարգ երկակի տեսախցիկը և մարտկոցը, որը հեշտությամբ ծառայում է մեկ ողջ օրվա ընթացքում»,- եզրակացրել են հեղինակները։