Պուտինը շատ խնդիրներ ունի պատերազմի պատճառով․ ԿՀՎ ղեկավար
Աշխարհ
Ռուսաստանի նախագահ Վլադիմիր Պուտինի՝ Ուկրաինայի դեմ սկսված պատերազմը ռազմավարական առումով անհաջող է Ռուսաստանի համար, սակայն դեռևս չի սպառնում նրա իշխանությանը, PBS-ին տված հարցազրույցում ասել է ԿՀՎ ղեկավար Ուիլյամ Բերնսը։
«Ես ոչ մի պահ չեմ թերագնահատում այն բեռը, մարտահրավերները, որոնք այս պատերազմը դնում է առաջին հերթին ուկրաինացիների և մեզ բոլորիս վրա, ովքեր աջակցում են Ուկրաինային։ Բայց ռազմավարական տեսանկյունից, կարծում եմ, շատ առումներով Պուտինի պատերազմը մինչ այժմ ձախողում է Ռուսաստանի համար: Ռուսական բանակը վատ հանդես եկավ և հսկայական կորուստներ կրեց։ Ռուսաստանի տնտեսությունը երկարաժամկետ վնաս է կրել։ Վերջին 30 տարիների ընթացքում ռուսական միջին խավի առաջընթացի մեծ մասը կորսվել է», - ասում է Բըրնսը:
Նրա խոսքով՝ Ռուսաստանի հեղինակությունը խիստ խարխլված է, բացահայտվել են նրա թույլ կողմերը։ Ռուսաստանի բնակչությունը, ըստ ԿՀՎ-ի տնօրենի, ավելի ու ավելի է անհանգստանում պատերազմի գնից։ Բերնսը հիշեցրել է, որ Ռուսաստանում մասնակի մոբիլիզացիայի հայտարարությունից հետո ավելի շատ զորակոչային տարիքի ռուսներ են փախել երկրից, քան Պուտինը կարողացել է հավաքել և ուղարկել ռազմաճակատ։
«Այնպես որ, նա նույնպես շատ խնդիրներ ունի»,- հայտարարել է Բերնսը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
