«Քաղաքատեղի Շամիրամի» հուշարձանի տարածքից գանձագողություն է կատարվել․ հուշարձանը թվագրվում է մ.թ.ա. 2-րդ-ից 1-ին հազարամյակ. «Առավոտ»

Aravot.am-ը գրում է. «Այս խառը օրերին, երբ շատ-շատերի ուշադրությունը սեւեռված է Արցախի խնդրի, Լաչինի միջանցքի փակ լինելու վրա, գանձագողերն էլ սեւեռվել են իրենց «սեւ աշխատանքի» վրա։ Aravot.am-ին հասած տեղեկություններով, մ.թ.ա. 2-րդ-ից 1-ին հզ. թվագրվող «Քաղաքատեղի Շամիրամի» հուշարձանի տարածքում գտնվող դամբարանադաշտում գանձախուզություն է տեղի ունեցել։ Հուշարձանը հաշվառված է Արագածոտնի մարզի պատմության եւ մշակույթի անշարժ հուշարձանների պետական ցուցակի Շամիրամ բնակավայրում»։