Դատապարտյալի համար բերված ուտեստում հայտնաբերվել է 7 գրամ քաշով թմրամիջոցին նմանվող զանգվածներ

Դեկտեմբերի 16-ին՝ ժամը 16:50-ի սահմաններում, Հայաստանի Հանրապետության արդարադատության նախարարության «Վանաձոր» քրեակատարողական հիմնարկի ծառայողները զննության են ենթարկել դատապարտյալի անվամբ բերված հանձնուքը:

Զննության արդյունքում հանձնուքում առկա ուտեստում հայտնաբերվել են պոլիէթիլենային տոպրակներով փաթեթավորված, ընդհանուր 7 գրամ քաշով, մարիխուանա տեսակի թմրամիջոցին նմանվող առանձնացված զանգվածներ: