Հայաստանին օգնության միջոցների մասին որոշումը նախատեսում էր ռազմատեխնիկական օգնություն. Զաս

Հայաստանին օգնության միջոցների մասին որոշման նախագիծը նախատեսում էր ռազմատեխնիկական օգնություն։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը հեռուստակամրջի ընթացքում։

Նա մանրամասներ չի հայտնել որոշման նախագծից, քանի որ այն գաղտնիության տարրեր է պարունակում։ «Բայց այնտեղ կար կետ, որը ռազմատեխնիկական օգնություն էր ենթադրում»,- ասել է Զասը՝ հավելելով, որ դա չէր նշանակում, թե վաղն ևեթ դեպի Հայաստան ինքնաթիռ էր թռչելու՝ սպառազինությամբ, բայց դա հնարավորություն կտար պաշտպանության նախարարություններին աշխատել այդ ցանկի շուրջ և իրականացնել այդ նախագիծը։