Արցախում ծանր վիճակում գտնվող հիվանդներից մեկը մահացել է (տեսանյութ)
ԻրավունքԱդրբեջանի գործողությունների հետևանքով շրջափակման մեջ հայտնված Արցախում բուժոգնության կարիք ունեցող ծանր վիճակում գտնվող հիվանդներից մեկն այսօր մահացել է։
Արցախում հեմոդիալիզ ստացող մեկ հիվանդ մահացել է։ Ինչպես Արցախի հանրային հեռուստատեսությանը հայտնել է Ստեփանակերտի Հանրապետական բժշկական կենտրոնի գործադիր տնօրեն Մհեր Մուսայելյանը, հիվանդը պետք է ստուգվեր այլ բժշկական հաստատությունում, քանի որ ուներ նաև այլ առողջական խնդիրներ, բայց ճանապարհի փակ լինելու պատճառով, չի հաջողվել։ Սրտի հրատապ վիրահատության կարիք ունեցող մեկ հիվանդ Կարմիր խաչի ուղեկցությամբ տեղափոխվել է նախ Գորիս, ապա Երևանի համապատասխան բժշկական կենտրոն, որտեղ սրտի բարդ վիրահատություն պետք է կատարվի։
Հիշեցնենք, որ արդեն ութերորդ օրն է, ինչ ադրբեջանցիները փակել են Արցախը Հայաստանին կապող միակ ճանապարհը՝ Գորիս-Ստեփանակերտ մայրուղին, ինչի հետևանքով Արցախը՝ 110.000 բնակչով հայտնվել է բլոկադայի մեջ:
Հումանիտար աղետի հետևանքվ բուժօգնությունից զրկված են մի շարք քաղաքացիներ, այդ թվում՝ երեխաներ, որոնք կարիք ունեն վիրահատական միջամտությունների:
Լաչինի միջանցքով անցել է միայն ԿՄԽԿ ավտոմեքենան: ԿՄԽԿ միջնորդությամբ ծանր վիճակում գտնվող հիվանդներից մեկը տեղափոխվել է ՀՀ։
Հիվանդները շարունակում են գտնվել հիվանդանոցներում, սակայն պլանային վիրահատություններ չեն իրականացվում։
Ամենադիտված 
Մնաս բարյավ. Րաֆֆի Հովհաննիսյան
