Պուտինը հայտարարել է, որ Ռուսաստանը պատրաստ է շարունակել Բելառուսում միջուկային նախագծերի զարգացումը

ՌԴ նախագահ Վլադիմիր Պուտինը Մինսկում Բելառուսի նախագահ Ալեքսանդր Լուկաշենկոյի հետ բանակցություններում ասել է, որ Ռուսաստանի Դաշնությունը պատրաստ է հետագայում էլ զարգացնել միջուկային նախագծերը հանրապետությունում, ինչպես նաև կադրեր պատրաստել և զարգացնել գիտությունը, գրում է ՌԻԱ Նովոստին։

Ռուսաստանի նախագահը հիշեցրել է, որ այժմ ատոմակայան է կառուցվում։ Պուտինի խոսքով՝ առաջին բլոկն արդեն աշխատում է։

«Մենք պատրաստ ենք հետագայում էլ զարգացնել այս նախագիծը, աշխատել և կառուցել, բայց, իմ կարծիքով, ամենակարևորն այն է, որ մենք պատրաստ ենք և անում ենք դա՝ ստեղծել արդյունաբերություն, պատրաստել ազգային կադրեր, զարգացնել գիտությունը համապատասխան ձևով»,- ասել է նա։

Երկրի ղեկավարը հավելել է, որ այս հարցի շուրջ նախնական պայմանավորվածություններ արդեն կան։ Պուտինը նշել է, որ երկրները քննարկումից հետո պատրաստ են շարժվել այս ուղղությամբ։