Տղամարդը որոշել է երկարաձգել իր արձակուրդը Թուրքիայում և 2,5 տարի մնացել է հյուրանոցի համարում

Ֆինլանդիայից ժամանած զբոսաշրջիկը 2,5 տարի անցկացրել է Թուրքիայի Անթալիայում գտնվող հյուրանոցում՝ ժամկետանց անձնագրով և վիզայով, փորձելով թաքնվել ոստիկանությունից։ Այդ մասին գրում է Turizmajansi-ն։

Հրատարակության տվյալներով՝ 57-ամյա Կարի Պատրի Լասսին չորս տարի ապրել է բնակարանային հյուրանոցում։ Ընդ որում, նրա անձնագրի ու վիզայի ժամկետը վաղուց էր լրացել։ Փորձելով երկարաձգել հանգիստը, տղամարդը որոշել էր թաքնվել սենյակում և դուրս չգալ։

Որոշ ժամանակ անց հյուրանոցի աշխատակիցներն ահազանգել են, քանի որ դադարել էին լսել այն ձայները, որոնք նախկինում հնչում էր զբոսաշրջիկի սենյակից։ Նրանք ենթադրել են, որ ճանապարհորդը մահացել է, և ոստիկանություն են կանչել։

Հյուրանոց ժամանած իրավապահները թակել են հանգստացողի սենյակի դուռը և պահանջել ցույց տալ փաստաթղթերը։ Որոշ ժամանակ անց սենյակում աղմուկ է բարձրացել։ Ինչպես պարզվել է, վախեցած տղամարդը ցանկացել է խուսափել ոստիկանների հետ հանդիպումից և բարձրացել է հյուրանոցի տանիք՝ պաշտպանիչ սաղավարտով և թենիսի գնդաթիով։

Օրինախախտին չի հաջողվել փախչել իրավապահներից. նրան բերման են ենթարկել, իջեցրել և տարել ոստիկանության մոտակա բաժին։

Ավելի ուշ հյուրանոցի մենեջերը իրավապահներին հայտնել է, որ օտարերկրացին անհարմարություն էր պատճառում մյուս հյուրերին։ Հյուրանոցում ապրելու տարիների ընթացքում նրա սենյակը վերածվել էր աղբավայրի, բացի այդ, հյուրը բարձր երգելիս է եղել ամեն գիշեր։