Առողջական խնդիրների պատճառով Ռոբերտ Քոչարյանը չի ներկայացել դատարան

ՀՀ երկրորդ նախագահ Ռոբերտ Քոչարյանն առողջական խնդիրների պատճառով չի ներկայացել դատարան։ Այս մասին հայտարարեց նրա փաստաբան Հայկ Ալումյանը՝ ներկայացնելով հիմնավորող փաստաթղթեր և խնդրեց հանդիպումը շարունակել դռնփակ, քանի որ պատրաստվում է մանրամասներ հայտնել Քոչարյանի առողջական վիճակից։

Դատավոր Աննա Դանիբեկյանը համաձայնեց և խնդրեց բոլորին, բացառությամբ գործընթացի կողմերի, լքել դահլիճը։

Հիշեցնենք, որ Ռոբերտ Քոչարյանն ու ՀՀ նախկին փոխվարչապետ Արմեն Գևորգյանը մեղադրվում են Սիլվա Համբարձումյանից առանձնապես խոշոր չափերով կաշառք վերցնելու մեջ։