Վեց երեխաների մայրը մեղավոր է ճանաչվել տղամարդու նկատմամբ սեռական ոտնձգության և բռնաբարելու սպառնալիքի համար

Մեծ Բրիտանիայում տեղի բնակչուհին դատապարտվել է 9 ամսվա հասարակական աշխատանքի և տուգանքի՝ ֆուտբոլային խաղի ժամանակ տղամարդու նկատմամբ ոտնձգությունների համար։ Այս մասին հայտնում է Metro-ն։

Վեց երեխաների 40-ամյա մայրը՝ Ջեմմա Ուայթսայդը, փետրվարի 26-ին «Էվերթոն»-«Մանչեսթեր Սիթի» խաղի ժամանակ բռնել է 40-ամյա երկրպագուի սեռական օրգանը։ Նա նաեւ կոպիտ կերպով հայտարարել է, որ պատրաստվում է սեռական հարաբերություն ունենալ նրա հետ, թեեւ «նրա անունը նույնիսկ չգիտի»։

Տուժողը հայտարարել է, որ «կարևոր չէ՝ հարձակումը կատարել է կին, թե տղամարդ, և պետք է դրան հավասար վերաբերվել»։ Նա նաև նշել է, որ հարձակվողը հարբած է եղել։

Մյուս կողմից, Ուայթսայդն արդարացել է, որ պատահաբար է դիպել տղամարդուն, քանի որ տրիբունաները մարդաշատ էին։ Նա մեղավոր է ճանաչվել սեռական ոտնձգության համար և նրան սպառնում է մինչև 10 տարվա ազատազրկում։ Սակայն դատարանը, բացի տուգանքից և հասարակական աշխատանքից, նրան նշանակել է վերականգնողական ծրագիր։