Քեթրին Զետա-Ջոնսը սեր է խոստովանում Լիոնել Մեսսիին

Դերասանուհի Քեթրին Զետա-Ջոնսն իր Instagram-ում սեր է խոստովանել ՊՍԺ-ի հարձակվող Լիոնել Մեսսիին։ Նրա խոսքով՝ 78-ամյա ամուսինը՝ դերասան Մայքլ Դուգլասը, դեմ չէ։

53-ամյա Զետա-Ջոնսը պատմել է Արգենտինայի հավաքականի 35-ամյա հարձակվողի հանդեպ իր զգացմունքների մասին, երբ Արգենտինան Աշխարհի առաջնության եզրափակիչում հաղթեց Ֆրանսիային։ «Լավագույն հանդիպումը, որը ես երբևէ տեսել եմ: Ես սիրում եմ Փարիզ Սեն Ժերմենը, սիրում եմ ֆրանսերենը, խոսում եմ դրանով, սիրում եմ Ֆրանսիան: Բայց հասկացեք։ Ես սիրում եմ Մեսսիին, և ամենալավն այն է, որ ամուսինս դեմ չէ: Դեմ չէ, որ ամբողջ տան մեջ Մեսսիի հետ իմ պաստառներն են»,- ասել է նա։

Քեթրին Զետա-Ջոնսն ու Մայքլ Դուգլասը ամուսնացած են արդեն 22 տարի։ Նրանք ունեն երկու երեխա։