Արգենտինայի հավաքականի ֆուտբոլիստներին ուղղաթիռներով տարհանել են Բուենոս Այրեսից

Մոտ 4 միլիոն մարդ մասնակցել է Բուենոս Այրեսի աշխարհի գավաթի հաղթական շքերթին, որը պատմության ամենամեծ հավաքներից մեկն է: Արդյունքում` ազգային հավաքականի խաղացողներին տեղափոխող ավտոբուսը արգելափակվել է, և խաղացողները ստիպված են եղել տարհանվել ուղղաթիռով, հայտնում է The Guardian-ը։

Շքերթը սկսվել է երեքշաբթի օրը՝ տեղական ժամանակով ժամը 12:00-ին, և միլիոնավոր ոգևորված երկրպագուներ լդուր եսն եկել Արգենտինայի մայրաքաղաքի փողոցներ։ Երկրում հայտարարվել է հանգստյան օր: Արգենտինայի հավաքականը շարժվել է հատուկ բաց տանիքով ավտոբուսով, որը ստացել է Scaloneta անվանումը՝ ի պատիվ թիմի գլխավոր մարզիչ Լիոնել Սկալոնիի:

Նախատեսվում էր, որ ավտոբուսի երթուղին մոտ 70 կմ էր լինելու, բայց այն չի հասել վերջնակետին՝ Օբելիսկին (քաղաքի կենտրոնում ժամանակակից հուշարձան, որը կառուցվել է քաղաքի 400-ամյակի պատվին - խմբ.), և խաղացողներին տարհանվել են։

Արգենտինայի ֆուտբոլի ֆեդերացիայի նախագահ Կլաուդիո Տապիան անդրադարձել է իրավապահ մարմինների պահանջին. «Մեզ չեն թողնում ողջունել բոլոր այն մարդկանց, ովքեր հավաքվել են Օբելիսկի մոտ, այն ուժայիններին, որոնք մեզ ուղեկցել են։ Մեզ չեն թողնում առաջ գնալ։ Հազար ներողություն բոլոր չեմպիոն խաղացողների անունից»,- ասել է Տապիան:

Միևնույն ժամանակ, խաղացողների տարհանումը կարող է կապված լինել անվտանգության նկատառումների հետ։

Դեկտեմբերի 18-ին Արգենտինայի հավաքականը Քաթարում ընթացող աշխարհի առաջնության եզրափակիչ խաղում 11 մետրանոց հարվածաշարում հաղթեց Ֆրանսիայի հավաքականին և դարձավ աշխարհի եռակի չեմպիոն։