Մեկ օրում ոստիկանները բացահայտել են հանցագործության 35 դեպք. Գրանցվել է 19 ավտովթար, զոհվել է 14, վիրավորվել՝ 28 մարդ
Իրավունք
Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 20-21-ը Հայաստանի Հանրապետության ոստիկանության ստորաբաժանումները բացահայտել են հանցագործության 35 դեպք, որից 2-ը՝ նախկինում կատարված։
Մասնավորապես բացահայտել են խարդախության՝ 5, մարմնական վնասվածք պատճառելու և անձնական ունեցվածքի գողության՝ 4-ական, թմրամիջոցի հայտնաբերման՝ 3, համակարգչային հանցագործության՝ 2, բնակարանային գողության, յուրացնելու կամ վատնելու, գույքը դիտավորությամբ ոչնչացնելու, դրամանենգության, զենք-զինամթերքի առգրավման, թմրանյութի իրացման ու ընտանեկան բռնության՝ 1-ական դեպք։
Հայտնաբերվել է 7 հետախուզվող, կամավոր ներկայացել՝ 3-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է բնակարանային գողության և համակարգչային հանցագործության 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 19 պատահար. 1 մարդ զոհվել է, 28-ը՝ ստացել տարբեր աստիճանի մարմնական վնասվածքներ:
Ամենադիտված 
Մնաս բարյավ. Րաֆֆի Հովհաննիսյան
