Հայտնի է դարձել, թե որ մարդկանց են ամենից հաճախ կծում մոծակները

Մաշկաբան Ռոման Իվանովն ասել է, որ մոծակները ոչ բոլորին են կծում՝ կողմնորոշվելով արտաշնչված ածխաթթու գազի ծավալով և մաշկից արձակվող հոտով։

Gazeta.Ru-ի լրագրողներին տված հարցազրույցում մասնագետը բացատրել է, որ միջատներին ավելի շատ գրավում են այն ​​մարդիկ, ովքեր ավելի շատ ածխաթթու գազ են արտադրում։ Հենց այս պատճառով է, որ նրանք ավելի հաճախ են հարձակվում մեծահասակների, քան երեխաների վրա, ինչպես նաև որպես զոհ ընտրում են ավելորդ քաշ ունեցողներին և հղիներին։

Բացի այդ, մոծակներին գրավում է ամոնիակը և քրտինքի մեջ պարունակվող կաթնաթթուն: Հետեւաբար, նրանք որս են անում տոթ եղանակին կամ էլ նրանց նկատմամբ, ովքեր սպորտով են զբաղվում։ Մակաբույծի խայթոցը մեծամասնության համար առողջական խնդիրներ չի առաջացնում, բայց ոմանց համար այն կարող է լուրջ ալերգիա առաջացնել․ ամեն ինչ կախված է իմունային համակարգից:

«Մարդկանց մեծամասնության մոտ խայթոցի տեղում թեթև այտուց է լինում, իսկ վերքը ինքնին մի փոքր քոր է առաջացնում: Ալերգիկ ռեակցիայի զարգացման մասին ահազանգում է այտուցը և կարմրությունը»,- պարզաբանել է բժիշկը։