Լուկաշենկոն Թրամփին հրավիրել է Բելառուս՝ Պուտինի և Զելենսկու հետ բանակցությունների (տեսանյութ)

Ռուսաստանի, ԱՄՆ-ի և Ուկրաինայի նախագահները կարող էին բանակցություններ վարել Բելառուսում, հայտարարել է այդ երկրի նախագահ Ալեքսանդր Լուկաշենկոն ամերիկացի բլոգեր Մարիո Նաուֆալին տված հարցազրույցում:

«Ես Թրամփին սպասում եմ այստեղ Պուտինի և Զելենսկու հետ միասին», - ասել է նա:

Միևնույն ժամանակ, Լուկաշենկոն մերժել է Մոսկվայի և Վաշինգտոնի բանակցություններում միջնորդ դառնալու գաղափարը: Նրա խոսքով՝ ինքը «տանել չի կարող» միջնորդությունը։

«Միջնորդել նշանակում է լինել ինչ-որ անձանց միջև և ձևացնել, որ ինչ-որ բան կարող ես անել», - ասել է նա։

Ուկրաինայի հակամարտության վերաբերյալ Բելառուսի նախագահը գլխավոր Է համարել ռազմական գործողությունների դադարեցումը, այլ ոչ թե մեղավորների որոնումը:

«Եկեք մեղավորներ փնտրենք ևս երկու տարի, քանի դեռ երկու կողմերից ևս մեկ միլիոն մարդ չի զոհվել։ Ո՛չ, պետք է դադարեցնել հակամարտությունը», - եզրափակել Է Լուկաշենկոն։