ԱՄՆ հետախուզության նախկին աշխատակիցները ահազանգում են Մոսկվա-Վաշինգտոն մերձեցման վերաբերյալ

Վաշինգտոնը Մոսկվան այլևս չի դիտարկում որպես մեծ սպառնալիք, հայտնում է NBC-ն՝ վկայակոչելով ԱՄՆ հետախուզության նախկին պաշտոնյաներին։ Այս կապակցությամբ հեռուստաալիքի զրուցակիցները մտավախություն ունեն, որ Վաշինգտոնը կարող է կրճատել Ռուսաստանի վերաբերյալ հետախուզական տվյալների հավաքագրումը։

Քանի որ [ԱՄՆ նախագահ Դոնալդ] Թրամփն ու նրա տեղակալները կրկնում են Ռուսաստանի որոշ դիրքորոշումներ Ուկրաինայի վերաբերյալ և հույս հայտնում, որ ԱՄՆ-ն ավելի լավ կապեր ունի Մոսկվայի հետ, նախկին հետախուզական պաշտոնյաներն ասում են, որ վարչակազմը կարող է նույնիսկ որոշ գաղտնի տեղեկություններ փոխանցել Մոսկվային, ասվում է զեկույցում:

Հեռուստաալիքի զրուցակիցները նշում են, որ Սպիտակ տունը հասկացրել է, որ նախընտրում է հակազդել Մեքսիկայի և Լատինական Ամերիկայի այլ երկրների թմրակարտելներին։ Պենտագոնն արդեն ուժեր է տեղակայել ԱՄՆ-ի հարավային սահմանին և այնտեղ ուղարկել վերլուծաբանների խումբ։ Միաժամանակ ԿՀՎ-ն սկսել է անօդաչու թռչող սարքերի միջոցով թռչել Մեքսիկայի տարածքով:

Ավելի վաղ The New York Times-ը հայտնել էր, որ Սպիտակ տունը ցանկանում է, որ Ուկրաինայի նախագահ Վլադիմիր Զելենսկին հեռացնի այն պաշտոնյաներին, ովքեր դեմ են Ռուսաստանի հետ բանակցություններին։ Հրատարակության տվյալներով՝ Վաշինգտոնը պնդում է նաև Կիևի հետ հազվագյուտ մետաղների վերաբերյալ համաձայնագիր կնքել։

Թարգմանությունը՝ Lurer.com-ի