Թրամփը կոչ է անում ազատվել միջուկային զենքից

ԱՄՆ նախագահ Դոնալդ Թրամփը կոչ է արել ազատվել միջուկային զենքից և հույս է հայտնել Ռուսաստանի հետ ապամիջուկայնացման բանակցությունների համար։

«Հիանալի կլիներ, եթե բոլորը ազատվեն միջուկային զենքից»,- ասել է նա։

Ըստ Սպիտակ տան սեփականատիրոջ՝ այս տեսակի զենքի ուժը խելագար է։

«Լավ կլիներ, որ ապամիջուկայնացում տեղի ունենար»,- ընդգծել է նախագահը։

Թրամփը նշել է, որ իր վերջին ժամկետում առաջընթաց է գրանցել Ռուսաստանի հետ միջուկային զինաթափման շուրջ շփումներում և խոսել է Չինաստանի ղեկավարության հետ։

«Ես շատ կցանկանայի սկսել այդ բանակցությունները: Ապամիջուկայնացումը անհավանական կլիներ»,- РИА Новости-ի փոխանցմամբ՝ պարզաբանել է ամերիկացի առաջնորդը:

2024 թվականի նոյեմբերի 19-ին Վլադիմիր Պուտինը հրամանագիր է ստորագրել միջուկային նորացված դոկտրինը հաստատելու մասին։ Փաստաթղթի հիմնական սկզբունքն այն է, որ միջուկային զենքը ծայրահեղ միջոց է երկրի ինքնիշխանությունը պաշտպանելու համար։ Կրեմլը բազմիցս նշել է, որ Մոսկվան ոչ մեկին չի սպառնում, բայց չի անտեսի իր շահերի համար պոտենցիալ վտանգավոր գործողությունները։

2023 թվականի փետրվարի 21-ին Դաշնային ժողովին ուղղված իր ուղերձում Ռուսաստանի ղեկավարը հայտարարեց, որ պետությունը դադարեցնում է իր մասնակցությունը ռուս-ամերիկյան ռազմավարական սպառազինությունների կրճատման պայմանագրին (START-3)՝ ընդգծելով, որ երկիրը դուրս չի գալիս պայմանագրից։ Նա նշեց, որ մինչ քննարկմանը վերադառնալը պետք է հասկանալ, թե ինչի են հավակնում այնպիսի պետություններ, ինչպիսիք են Ֆրանսիան և Մեծ Բրիտանիան, և ինչպես հաշվի առնել նրանց ռազմավարական զինանոցները, այսինքն՝ ՆԱՏՕ-ի համակցված հարվածային ներուժը։

Թարգմանությունը՝ Մանուել Թամազյանի