Կուրիլի ափերի մոտ երկրաշարժ է տեղի ունեցել

Ուրբաթ գիշերը 4,9 մագնիտուդ ուժգնությամբ երկրաշարժ է գրանցվել Հարավային Կուրիլյան կղզիների ափերի մոտ: Այս մասին Ria Novosti-ին հայտնել է «Յուժնո-Սախալինսկ» սեյսմակայանի ղեկավար Ելենա Սեմենովան:

«4,9 մագնիտուդ ուժգնությամբ երկրաշարժը տեղի է ունեցել մարտի 7-ի գիշերը։ Դրա էպիկենտրոնը գտնվում էր Օխոտսկի ծովում  Կուրիլյան անմարդաբնակ Սիմուշիր կղզուց 152 կմ հյուսիս-արևմուտք։ Օջախը գտնվել է 295 կմ խորության վրա», - պատմել է գործակալության զրուցակիցը։

Սեյսմոլոգների տվյալներով՝ երկրաշարժը կղզիների բնակավայրերում չի զգացվել, ցունամիի տագնապ չի հայտարարվել ։