Երգչուհուն խնդրել են վերաշարադրել Եվրատեսիլի երգը, քանի որ բառը հնչում է որպես հայհոյանք

«Եվրատեսիլ» երգի մրցույթի կազմակերպիչները մալթացի երգչուհի Միրիանա Կոնտեին խնդրել են հեռացնել «անպարկեշտ» բառն իր երգի բառերից և վերնագրից։ Gazeta.ru-ի փոխանցմամբ՝այս մասին գրում է The Guardian-ը։

23-ամյա Կոնտեն ցանկացել է մրցույթում ներկայացնել Մալթան «Կանտ» երգով, որը մալթերենից թարգմանաբար նշանակում է «երգել»։ Այնուամենայնիվ, Եվրատեսիլը կազմակերպող Եվրոպական հեռարձակողների միությունը (EBU) ուշադրություն է հրավիրել այն փաստի վրա, որ բառը նման է կանանց սեռական օրգաններ նշող անգլերեն հայհոյանքին։

Ավելին, Կոնտեն իր երգի ռեֆրենում դիտավորությամբ խաղացել է այդ ձայնակցման վրա:

«Չնայած ես ցնցված և հիասթափված եմ, հատկապես այն պատճառով, որ մենք մեկ շաբաթից էլ քիչ ժամանակ ունենք երգը փոխելու համար, սակայն ես ձեզ խոստանում եմ սա. շոուն կշարունակվի, դիվան չի ընկնի», - գրել է երգչուհին։իր ֆեյսբուքյան էջում։

EBU-ն որոշում է կայացրել՝ պահանջել երգը փոխել BBC-ի բողոքից հետո: BBC Radio 4-ի Եվրատեսիլի հաղորդավար Սքոթ Միլսը փետրվարին ընդգծեց անպարկեշտությունը:

«Մենք ընդհանրապես չենք կարող խոսել Մալթայի ներկայացուցչի մասին։ Մենք հաստատ չենք կարող վերարտադրել նրա երգի մի հատվածը... երբևէ»,- կատակեց նա։

Մալթան մինչև մարտի 10-ը պետք է իր հայտում ներկայացնի երգի նոր տարբերակը։

Եվրատեսիլը կանցկացվի Շվեյցարիայում մայիսի 13-ից 17-ը։ 2022 թվականին Եվրոպական հեռարձակողների միությունը (EBU) Ուկրաինայում հատուկ գործողության մեկնարկից հետո դադարեցրեց Ռուսաստանին մասնակցությունը Եվրատեսիլ երգի մրցույթին։

Փետրվարին սպառողների պաշտպանության Codacons ասոցիացիան պահանջել էր Թոմի Քեշի «Espresso Macchiato» երգը հանել Եվրատեսիլ երգի մրցույթից։

Թարգմանությունը՝ Lurer.com-ի