Մարտի 10-14-ը կանանց կտրամադրվի անվճար իրավաբանական խորհրդատվություն
Իրավունք
Կանանց միջազգային օրվան ընդառաջ, ձևավորված ավանդույթի համաձայն, ՀՀ փաստաբանների պալատը Հանրապետության ամբողջ տարածքում հայտարարում է կանանց իրավունքների պաշտպանությանը նվիրված միջոցառումների իրականացման մասին:
Միջոցառման շրջանակներում 2025թ. մարտի 10-ից մինչև 14-ը փաստաբանները և Փաստաբանական ակադեմիայի ունկնդիրներն անվճար իրավաբանական խորհրդատվություն կտրամադրեն կանանց:
Փաստաբանների պալատից հատնում են, որ նախաձեռնության գլխավոր նպատակն է խթանել կանանց իրավունքների պաշտպանությունը Հայաստանում, ինչպես նաև բարձրացնել հանրային իրավագիտակցությունը և փաստաբանին դիմելու իրավական մշակույթը:
Միջոցառմանն արդեն իսկ միացել են բազմաթիվ փաստաբաններ, ինչպես նաև Փաստաբանական ակադեմիան:
Անվճար իրավաբանական օգնությունը տրամադրվելու է ՀՀ փաստաբանների պալատի Երևան քաղաքում տեղակայված վարչական շենքում, ինչպես նաև Երևանի և մարզերի այլ հասցեներում:
Միջոցառման հետ կապված հարցերի դեպքում կարող եք զանգահարել՝
010-600701 #111 հեռախոսահամարին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
