ԱՄՆ-ը ցանկանում է հասկանալ՝ արդյոք Կիևը պատրաստ է էական զիջումների գնալ՝ հանուն խաղաղության․ Reuters

ԱՄՆ ներկայացուցիչները Սաուդյան Արաբիայում ուկրաինական պատվիրակության հետ հանդիպմանը ցանկանում են ճշգրիտ պատկերացում կազմել Կիևի ռեժիմի պատրաստակամության մասին՝ «պատերազմը դադարեցնելու համար Ռուսաստանին զգալի զիջումների գնալու»։ Այս մասին հայտնում է Reuters գործակալությունը՝ հղում անելով ամերիկյան պատվիրակությանը մոտ կանգնած սեփական աղբյուրներին։

Նրանցից մեկն ասել է, որ Կիևը չի կարող միաժամանակ ասել «Ես խաղաղություն եմ ուզում» և «Ես հրաժարվում եմ փոխզիջման գնալ որևէ հարցում»։

«Մենք ցանկանում ենք տեսնել, թե արդյոք ուկրաինացիները շահագրգռված են ոչ միայն խաղաղությամբ, այլ իրատեսական խաղաղությամբ: Եթե ​​նրանց հետաքրքրում են միայն 2014 կամ 2022 թվականների սահմանները, դա շատ բան է ասում»,- նշել է մեկ այլ աղբյուր։

Նրա խոսքով, ԱՄՆ պատվիրակությունը մտադիր է նաև պարզել, թե Սպիտակ տանը տեղի ունեցած սկանդալից հետո Կիևը որքանով է լուրջ վերաբերում Դոնալդ Թրամփի վարչակազմի հետ հարաբերությունների բարելավմանը։

Հիշեցնենք, որ ամերիկյան և ուկրաինական պատվիրակությունները բանակցություններ կանցկացնեն Սաուդյան Արաբիայում՝ այս շաբաթ։ Կիևը կներկայացնեն Ուկրաինայի ղեկավարի գրասենյակի ղեկավար Անդրեյ Երմակը, նրա տեղակալ Պավլո Պալիսան, արտաքին գործերի նախարար Անդրեյ Սիբիգան և պաշտպանության նախարար Ռուստեմ Ումերովը։

Վաշինգտոնից բանակցություններին կմասնակցեն պետքարտուղար Մարկո Ռուբիոն, ազգային անվտանգության հարցերով խորհրդական Մայք Վալցը և Թրամփի Մերձավոր Արևելքի բանագնաց Սթիվ Վիտկոֆը։