Անվանվել են դեղամիջոցները, որոնք չի կարելի խմել սուրճի հետ

Սուրճը կարող է խանգարել հակաբիոտիկների բնականոն կլանմանը, ինչպես նաև Ալցհեյմերի հիվանդության, շաքարախտի, հիպերտոնիայի և օստեոպորոզի դեմ դեղամիջոցների: Այս մասին Daily Mail-ին ասել է Մինեսոտայի համալսարանի բժշկական կենտրոնի դեղագործ Հեվի Նգո-Հեմիլթոնը։

Մասնագետի խոսքով՝ ցանկացած կոֆեին պարունակող ըմպելիք խմելը կարող է բարձրացնել ինսուլինի և արյան մեջ շաքարի մակարդակը։ Սա կարող է նվազեցնել շաքարախտի դեղամիջոցների արդյունավետությունը, ինչպիսին է մետֆորմինը: Պետք չէ նաև նման դեղամիջոցները «լվանալ» սուրճով սերուցքով և շաքարով։

Դեղագործը խորհուրդ է տվել չհամատեղել սուրճն ու թեյը հակաբիոտիկների հետ, քանի որ այդ դեղամիջոցները կարող են դանդաղեցնել կոֆեինի նյութափոխանակությունը։ Սա հանգեցնում է արյան մեջ այս նյութի մակարդակի երկարաժամկետ բարձրացմանը, իսկ արդյունքում՝ սրտի բաբախյունի և նյարդայնության բարձրացման։ Կոֆեինի ազդեցությունը նաև մեծացնում է ձեր սրտի հաճախությունը, ինչը ցանկալի չէ արյան ճնշման դեղամիջոցներ ընդունողների համար:

Մասնագետը խորհուրդ է տալիս Ալցհեյմերի հիվանդության դեմ դեղամիջոցներ ընդունել սուրճ խմելուց երկու ժամ առաջ կամ չորս ժամ հետո։ Դրանք միասին վերցնելը մեծացնում է արյունաուղեղային արգելքի ազդեցությունը (շրջանառության և կենտրոնական նյարդային համակարգերի կիսաթափանցելի սահմանը), ինչը դժվարացնում է ակտիվ նյութերի մուտքը ուղեղ:

Կոֆեինը կարող է նաև խանգարել օստեոպորոզի՝ նյութափոխանակության ոսկրային հիվանդության համար նախատեսված դեղամիջոցների պատշաճ կլանմանը: Նգո-Հեմիլթոնը խորհուրդ է տալիս այս դեղամիջոցներն ընդունելուց հետո մոտ երկու ժամ սպասել սուրճ խմելուց կամ ուտելուց առաջ:

Թարգմանությունը՝ Lurer.com-ի