Ստեղծվել է բանան, որը կլպելուց անմիջապես հետո շագանակագույն չի դառնում

Բրիտանական բիոտեխնոլոգիական Tropic ընկերությունը մշակել է գենետիկորեն ձևափոխված բանան, որը կեղևազրկելուց  հետո մնում է բաց գույնի 12 ժամ: Այս մասին հայտնում է The Guardian-ը։

Գիտնականների խոսքով՝ նորարարական սորտը նաև 30%-ով ավելի դանդաղ է դառնում շագանակագույն մրգի կեղևազրկումից մեկ օր հետո։ Դրան հասնելու համար գենետիկներն անջատել են պոլիֆենոլ օքսիդազ ֆերմենտի արտադրության համար պատասխանատու գենը, որը հանգեցնում է պտղի մգացմանը: Նմանատիպ տեխնոլոգիա արդեն կիրառվել է խնձորի, լոլիկի և սնկերի ձևափոխման համար։ Միաժամանակ գիտնականները բանանի մեջ օտար ԴՆԹ չեն ավելացրել, ուստի նոր արտադրանքը ԳՁՕ չի համարվում։

Հետազոտողները ասում են, որ «հետաձգված» շագանակագույն գույնը բնական կենսաբանական գործընթաց է, որը կարող էր բնական ճանապարհով առաջանալ բանանի էվոլյուցիայի ժամանակ, բայց շատ ավելի երկար տևեց: Նոր սորտը արդեն հաստատվել է վաճառքի համար ԱՄՆ-ում, Կանադայում, Կոլումբիայում, Հոնդուրասում և Ֆիլիպիններում: Ապրանքը շուտով հասանելի կլինի Մեծ Բրիտանիայում:

Գիտնականները նշել են, որ բանանը աշխարհում ամենապահանջված մշակաբույսերից մեկն է, սակայն բերքի մոտ կեսը դեն է նետվում պիտանելիության կարճ ժամկետի պատճառով։ Նոր սորտերի մշակումը կօգնի նվազեցնել սննդամթերքի թափոնները և նվազեցնել ջերմոցային գազերի արտանետումները:

Թարգմանությունը՝ Lurer.com-ի