25 տարի անց «Օրրանը» դարձել է բարեգործության ամենահաջողված օրինակներից մեկը Հայաստանում․ Արտակ Հերիքյան
Բլոգոսֆերա
25 տարի առաջ Երևանի փողոցներում փնտրում էինք անապահով ընտանիքների երեխաների՝ «Օրրանի» առաջին սաներին: Նրանց հաճախ գտնում էինք մուրացողների թափառախմբերում: Այս մասին Ֆեյսբուքի իր էջում գրել է լրագրող, հաղորդավար Արտակ Հերիքյանը։
«Այն ժամանակ դժվար էր մարդկանց բացատրել, որ «Օրրանը» մանկատուն չէ. խնամքի ցերեկային կենտրոն է, որը երեխաներին տալիս է այն ամենը, ինչ ի վիճակի չեն տալ նրանց ծնողները՝ տաք կերակուրից մինչև կրթություն… շատ մեծ ուշադրություն: «Օրրանը» հոգ է տանում կարիքավոր երեխաների մասին՝ նրանց չկտրելով ընտանիքներից:
25 տարի անց հոգատարության այդ օրրանը դարձել է բարեգործության ամենահաջողված օրինակներից մեկը Հայաստանում:
25 տարի անց «Օրրանի» առաջին սաների ընտանիքներին հանդիպում եմ Երևանի նույն փողոցներում՝ իրենց երեխաներին սիրով ու հոգատարությամբ շրջապատած:
Ու ինչքա՜ն եմ ուրախանում, որ այս հեքիաթային մեծ պատմության մեջ իմ փոքր պատմությունն ունեմ, որպես «Օրրանի» 25 տարվա կամավոր»,– գրել է նա:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
