Ապատեղեկատվական քարոզչական գործողությանն արդեն միացել է նաև այս վարչախմբի պետական հեռուստաալիքը. Վարդան Ոսկանյան (լուսանկար)

Իրանագետ Վարդան Ոսկանյանը տելեգրամյան իր ալիքում լուսանկար է հրապարակել՝ կից գրառմամբ.

«Բաքվի բարբարոսական վարչախմբի քարոզչամեքենան չի դադարում Հայաստաւնին մեղադրել ադրբեջանական բաշիբոզուկների դիրքերն, իբր, գնդակոծելու մեջ։

Ապատեղեկատվական քարոզչական գործողությանն արդեն միացել է նաև այս վարչախմբի պետական AzTv հեռուստաալիքը, որը հատուկ «ռեպորտաժում» պնդում է, թե Հայաստանը զինվում է, իբրև թե, պատերազմ սկսելու և ռևանշի հասնելու նպատակով։

Առնվազն վերջին շրջանում չեմ հիշում նման ինտենսիվությամբ վարվող ապատեղեկատվական փաստացի գրոհ, ինչի իրական պատճառներն առայժմ անհասկանալի են մնում»,- գրել է Ոսկանյանը։