Բռնապետության դիմակը վերջնականապես պատռվել է և ոչ մի ռեպրեսիա չի կարող լռեցնել քաղաքացու կամքը․ Արթուր Միքայելյան

Երբ իշխանությունը կորցնում է ժողովրդի աջակցությունը, սկսում է վախենալ նույնիսկ սեփական ստվերից։ Գյումրիում տեղի ունեցողը դրա վկայությունն է։ Քաղաք, որն այսօր դարձել է քաղաքական ճնշումների թիրախ միայն այն բանի համար, որ համարձակվել է այլ կարծիք ունենալ։

Վաղ առավոտից ոստիկանները ներխուժել են ընդդիմադիր թեկնածուների շտաբեր ու իրականացրել խուզարկություններ, այդպիսով՝ իշխանությունը փաստացի ճնշումներ է գործադրում ընդդիմադիրների նկատմամբ։

Ինչո՞ւ, որովհետև Գյումրիում ՔՊ-ի գործերն այդքան էլ լավ չեն։ Օրերս Գյումրիում էի, զրուցելով մարդկանց հետ՝ պարզ էր դառնում, որ ՔՊ-ի Սարիկն իրենով շատ ձայն հավաքող չէ, ավելին՝ վերջինիս քարոզարշավը մեկ օրվա մեջ 3 անգամ բոյկոտեցին երիտասարդները։ Դե նիկոլի նազոյի փողոցային բառապաշարի մասին խոսելն էլ ավելորդ է։

Էլ չխոսենք հիստերիկ նոպաների, որ երեկ բոլորին ի ցույց դրեց վարչապետի աթոռը զբաղեցնողը՝ թիվ մեկ ամբիոնից։ Լրատվականների գլխագրերում մեկ բնորոշում է․ «հոգեկան հիվանդ»։

Դժբախտություն է, երբ երկիրդ ղեկավարում է հոգեկան առողջական խնդիր ունեցող մեկը։

Երբ երկիրը ղեկավարում է մեկը, ում մոտ վստահաբար առկա է հոգեկան առողջական խնդիր, երկիրը հայտնվում է անդունդի եզրին: Այսօր, երբ բռնապետության դիմակը վերջնականապես պատռվել է և ոչ մի ռեպրեսիա չի կարող լռեցնել քաղաքացու կամքը։