Թրամփին մեղադրել են ԱՄՆ կառավարության նիստը «Կրեմլի ոճով» անցկացնելու մեջ

ԱՄՆ նախագահ Դոնալդ Թրամփը Միացյալ Նահանգների կառավարության նիստ է անցկացրել «Կրեմլյան ոճով»: Նման հայտարարությամբ է հանդես եկել բրիտանական The Independent թերթը։

Բրիտանական թերթի գնահատմամբ՝ ապրիլի 10-ին նախարարների կաբինետի անդամները «հերթ են կանգնել, որպեսզի քծնեն նախագահին շողոքորթ ելույթներով»:

Ընդ որում, ինչպես նշվում է նյութում, Թրամփն ամերիկացի պաշտոնյաների զեկույցների ժամանակ «նստած էր քարե դեմքով»՝ երբեմն մեկնաբանություններ անելով: