«Չեմ փոշմանում, կարտոշկա չճարեցի, խնձորն էր մոտիկ»․ Փաշինյանի վրա խնձոր նետած արցախցի տղամարդ (տեսանյութ)

Վարչապետ Նիկոլ Փաշինյանի վրա խնձոր նետած արցախցի 72-ամյա պապիկը լրագրողների հետ զրույցում ասաց, որ իր համար անսպասելի էր դատարանի որոշումը։

«Էդպիսի բան մտքովս չի անել, որ կարդարացնեն։ Այն, ինչ արել եմ, մտածել եմ ու արել, չեմ փոշմանում։ Բողոքի ակցիա է եղել իմ կողմից։ Մայրիկիս ծնունդն էր, հեռուստացուց էի նայում, տեսա՝ հեծանիվից իջնում է, խաշլամա է ուտում, ինչ է անում, ասի՝ կանալը փոխի, դուրս եկա բալկոնը, տեսա կանգնած ա ․․․ ճիշտն ասած կարտոշկա էի ուզում, կարտոշկա չճարեցի, խնձորն էր մոտիկ»,– պատմեց նա։

Հիշեցնենք, որ Առաջին ատյանի ընդհանուր իրավասության դատարանը՝ դատավոր Արման Հովհաննիսյանի նախագահությամբ, Ալբերտ Առստամյանին ճանաչեց անմեղ։

Նշենք, որ Առստամյանին մեղադրանք էր առաջադրվել «խուլիգանություն» հոդվածով։

Տեսանյութը՝ 24News.am–ի